噚晚因为某人终身大事嗌我帮手请教其他人，见一世人一次，帮得就帮啦，之后问咗8个男仔，个个嘅答案都笑到我肚痛，不过事关当事人怕羞要我保守秘密所以无写上来，如果唔系真系要同其他人分享下D咁搞笑嘅事~

最近好烦..工作成日出错，佢哋依然无怪我，但系真系好内疚..带咗咁多麻烦畀佢哋..转工..谂咗好耐，但系咩都谂唔到，屋企系咁畀压力我，就快要撑唔住了..好想听宝路意见，点解偏偏哩个时候玩失踪..

成日话要睇7、8月份嘅电影，今日终于睇咗第一部期待嘅『Transformers』，噚晚同炜商量睇边场嗰阵，九唔搭八咗几次，害我都差D搞唔清究竟系睇边一部..系哩期早上睇戏好in，还是个个都好似我哋咁贪少人，唔知几时开始早上都好多人去，我哋去到嗰阵D位已经所剩无几，最搞笑系我谂住整会员卡，嗰个服务员话以为我办学生会员卡，同我讲学生vip嘅优惠，我嘅学生证啊！！点解我咁笨交咗返去..

两个半钟嘅『Transformers』真系好正，令我谂返起细个嗰阵成日同哥哥佢哋一齐睇卡通版，谂唔到真人一样好睇，可惜经常打到乱七八糟..都来唔切分清边个同边个..不过我始终都觉得系好睇喔～

哩两个logo系唔系好熟悉咧～

今日超开心～又见到班小学同学，仲“附带”地见到个初中坐我隔离嘅同学，见到太子同佢一齐来嗰阵都有D吓亲，好耐无见佢啦，记得上一次见系喺东门行街撞到，佢仲好搞笑咁讲“自从初中之后上课就无人叫醒我啦～”之后同嘉嘉喺出边坐咗阵，倾咗好多嘢，原来不知不觉哩几年发生咗咁多事..唔知点解初中高中嘅同学都未聚过，小学竟然成日聚会，大个咗要见返以前D同学真系咁难，可以做嘅只系珍惜每一次见面嘅时间..

pS：7、8月啊～太多好睇嘅电影啦！快D上映啦～～

放工嗰阵落车，有两个自称“东北”来嘅“学生”话同老师走失咗，问我借手机又借钱，好想话佢知年终我见过佢哩种人唔少，东北人？你哋系东北人我公司嗰班叫咩啊？最后仲竟然拦住我唔畀我走，嗰刻有种想同佢开拖嘅冲动..好唔容易忍住之后问返佢“不如我帮你报警啊～”终于甩身..

噚晚炜畀电话我话佢细佬睇戏买飞买多咗问我去唔去睇，好搞笑～好似D电影桥段咁，可惜系夜晚12点开场，今日又要返工，哎..嘥咗添..

仲听到一个消息喔～猩猩要结婚啦，恭喜恭喜～猩猩以后要乖D，唔好成日出去玩啦，虽然觉得好突然，一毕业就结婚，不过小蚊都系祝你哋百年好合哇～

今日一早就畀金毛仔吵醒咗，如果唔系手机就系枕头旁边的话我一定起唔到身去听，之后上咗成日淘宝，想揾只手镯换，带咗咁耐已经习惯，如果突然唔带会觉得唔妥，但系..竟然一只都揾唔到中意嘅..呜呜..