今日真系过得超开心，虽然中午嗰阵再次因为订单问题畀人吓咗下，但系夜晚去咗吃饭睇戏，可以一直咁简简单单真系好。由7月中到8月底，足足过咗个半月每个周末喺戏院hea嘅日子，放暑假就系咁好，虽然我已经唔系放紧暑假～

原来『天堂口』并无好似D报纸评论咁不堪入目，可能情节唔算精彩，但系我觉得佢讲男人同男人之间嘅兄弟感情反而好深刻，有D嘢自己未睇过真系唔会了解，毕竟评论都只系某一个人嘅见解喈。之后就到『第十九层空间』了，讲真..好惊..不过都想试下``

暑假最后一部期待嘅电影『哈里波特』，真系令我失望透顶..一D都唔刺激..仲害我为咗搏少人神咁早起身..不过反而系片头嘅电影预告见到有部『集结号』几唔错～唔好觉得我会对哩类型电影有兴趣奇怪..

之后同妈妈去吃饭、行街、叹咖啡..佢就真系几识叹啦..仲知道Cappuccino加肉桂好味D..可怜我嘅银包..原来天气渐渐转凉啦，好多店铺都有长袖衫上架，见到一件本来超中意，点知竟然等于我半个月工资..哎..我是可怜的孩子～

呼～今日又无睇到电影，好似每次都系整定有阻滞，不过算了～

下昼就快落班嗰阵吖彤带咗个女仔过来我哋部门介绍，原来系我哋嘅师妹，哈哈``超开心啊，咁细间公司都有咁多自己人，而且份人仲几nice，嗯嗯～唔错唔错～

噚晚真系一个奇迹，竟然一只脚就畀蚊咬咗11啖..大家都叫蚊，少少面都唔畀..之后咬到我顶唔顺就开冷气，后果就系..今日感冒..跟住放工已经返到屋企附近了，点知先来落大雨..OMG..

有无人试过抽筋？由细到大我都未抽筋过..
至少系有记忆以来都未，原来系一件咁痛苦嘅事..
噚晚瞓觉半夜只脚突然间抽筋
好痛..痛到我嗌唔出声
都唔知过咗几耐先无事..
不过最佩服自己嘅系竟然即刻又瞓着返..

今日真系太值得“庆祝”一下
因为我哋部门人人都落错咗张单
点解会咁啱..
好彩最大镬嘅唔系我
而且其实都唔算太大镬
最讨厌就系星期四..
次次做错事都系星期四..
全部都系因为物流订单..
呜```我以后都唔要再做错物流订单啊...

终于赶喺落画之前睇咗想睇好耐的『不能说的秘密』，戏院今日只系播两场，我睇嘅仲系最后一场..实在佩服个编剧到五体投地嘅地步，难得咁复杂嘅剧情竟然无讲唔过去嘅地方，既搞笑又感人，原来识弹钢琴嘅男仔真系好正，从来只系知道Jay识弹钢琴，但系唔知真系咁出神入化..到最后见到Jay知道真相为咗返去1979年，喺拆紧嘅旧琴房到弹琴，感觉有D似曾经睇过一部外国电影，钢琴家都系喺一栋倒塌紧嘅楼到弹钢琴，好感动啊..真系庆幸无放弃去戏院睇嘅决定~

其实噚日同小凯嗌交真系超唔开心，系人都知我脾气唔好，不过从来都唔会乱来，但系噚日真系激死我了，喺办公室里面就同佢吵咗起来，超大声嗰种，原来有句说话啱得很，对别人仁慈即系对自己残忍..

之后今日同popo去唱K，咩都发泄出来，好耐无认真唱K了，带酒精嗰D唔计。哎..始终有嘢都系唔好自己收埋收埋，好容易会内伤..同吖po倾咗好多好多，我哋好似各自陷入咗一个无办法解决嘅局面，迷茫..之后去吃pizza..最后嘅甜品竟然系芒果蛋糕..我仲好唔知死咁吃咗几啖..希望唔好发作..阿门..

hey~my F,u know who u r,

cheer up!

u r gonna b ok,right?

嘉玲话：“你个脑就快畀C4塞死咗啦！”