昨天和老大申请了调休，把星期六的休假调到了明天，为的就是回学校开年级大会和照毕业照，很开心又可以见到我的好朋友，亦会伤感回学校的次数到底还会有多少..

哈哈～我谂读深职嘅人都会明白哩串数字系咩意思，至少新校区嘅人会知，就系我哋宿舍嘅num啦～今日返学校报到，见到好多好耐无见嘅同学，超开心啊！班主任话我同阿彤既然一间公司就一起跟佢做课题，呼～总算解决咗一件紧要事了。跟住我哋就去咗玩啦，对上一次大家去唱K好似已经好耐之前噜，今次依然唔唱到无气唔罢休。嘉玲最得..成日拣埋D『16号爱人』『听海』类型嘅歌要同我合唱..临走去云娜影咗贴纸相，3年以来先第一次影..唉..

pS:臭金毛..平时唔见揾我，我发工资你就记得我系你哎呀老婆仔..
      同嘉玲又喺教学楼厕所里面上演以前读书嗰阵做嘅事，哈哈``感觉好似仲喺到读书咁。

回家后看到班主任在群里面留言，改为4号、5号报到，good！！我可以回去了～之前为3号补假要上班还蛮沮丧的，现在兴奋得很咧，读书以来都没试过这么希望开学报到，一个假期没见的大家，我好想你们哦～

pS：昨天晚上居然做梦都在催14课的人交订单..OMG..我又多一个职业病了..
    妈妈今天逛完东门还买了“手信”回来给我，谢谢妈妈～ 咔咔..

艳遇就系艳遇啦，不过系同性嘅艳遇喈～今日返广州，喺车上面见到个女仔，真系好索，身材又正，最紧要嘅系佢好有蔡依林feel（无错～哩个先系重点）！令我差D想去问佢摞电话。系唔系有人想怀疑我取向咧..小蚊还是正常得很的，靓女唔系男人先可以中意嘅～

pS：我谂我又吓亲人了``咔咔``

今晚同小雯、东少仲有吖鱼师兄出来饮嘢，等两位主角等咗个几钟..对上一次聚已经系暑假了，始终都系同佢哋一齐感觉最好，喺哩段期间我向小雯呻咗好耐...

前两晚都无瞓好，为咗今日早上可以瞓耐少少，噚晚拉咗一次性嘅直发，呵呵..好耐无见过自己直发嘅样啦～差D就忘记咗，偶然间转下look都系唔错。

今日popo同细佬来咗接我放工，之后去咗coco park，发现同金光华差唔多，喺coco park里面嘅仙踪林感觉唔错，不过细佬入去的话始终都系要低头..唉..可怜的孩子。大家有好长一段时间无出来玩了，popo话我哋疏远咗，因为我出来做嘢之后变咗，或者系呱..而且今日向佢招供嘅事可能佢会有D嬲，不过我明白佢用意，我会照顾自己噶，唔使担心我。

犯困ing...语无伦次...

今日晕大咗..导数据出来做份报表竟然用咗成个早上，虽然老大无讲我，大家又安慰我“第一次做报表系咁噶啦”“咁你平时少用吖嘛”...但系心里面都系好难受..中午吃饭差D想喊，唔系怪人哋，只系觉得自己真系好蠢..点解咁简单一件事要做咁耐...话咗畀吖锋知我负责边几课订单，佢讲咗句“你玩完了”...OMG...是怎样啦...害我更失落...

下昼东少同金毛都打过电话畀我，个个都嗌我出去玩，天啊...之前每个暑假寒假唔见你哋咁积极揾我，到我谂住认认真真工作嗰阵你哋就走来引诱我..过分..等我放年假啦，因为中心城未开张，N年难得一次嘅机会放9日，我要好好把握机会瞓返觉好嘅，之后玩返够本，弥补我哩段时间以来失去嘅自由，嗯嗯～