用了两个月零四天实现了我的愿望~虽然历时有D长，不过都好开心~

终于觉得好攰..噚日端端陪嘉玲过来办离职手续，中午逃跑出去同佢哋喺楼梯到hea，感觉超爽~好耐无大家咁坐埋一齐，嗰刻咩都唔理了，大不了连我都炒埋老板鱿鱼。点知噚晚仲系8点几仲未可以落班，起起知道嘉玲辞职打电话畀我，我话佢知仲喺公司未走得嗰阵，佢问候咗我几句，搞到我差D喺办公室就喊出来了..发现好似细个都而家性格都无变，有人关心嗰阵反而觉得自己可怜，不过都系好感动啦~多谢起起~

唔知点解心情到咗今日仲系有点糟糕，噚晚炜介绍嗰首歌同电影都好正，身边咁多F得佢听歌style同我一样（其实好似系好多嘢style都雷同），有其父必有其女啦～

每日太阳未出嗰阵返工，落山之后放工，发觉做耐咗之后令我变到好惊太阳，一到放假都怕早上出街，就算出都要去室内嘅地方..迟D会唔会两只虎牙变长？

今晚东少过咗来，听佢讲东门嘅converse已经见到嗰对allstar，好可惜系帆布鞋，不过都准备迟D去就睇下。

听日开始有5日大假啦，可能有人会觉得5日唔算乜嘢，但系小蚊已经心足了～

习惯咗一个人值班，等于习惯咗要一大早返工，做嗰D平时5个人一齐做嘅报表，落就算到咗放工时间仲会摆喺面前嘅订单，仲时不时会有人嗌你做唔系工作范围嘅嘢，唔会有时间去担心究竟今日著得靓唔靓，头发有无乱等等等嘅问题..例如今日..为咗一张平时唔系我跟嘅报表检查咗成日修改咗成日..杂货处嘅处长无端端就嗌我帮佢导数据，好似我喺佢秘书咁..之后6点9个字15课嘅人仲摞咗五张订单过来同我讲“明天要到货现在一定要下。”..

今晚好似特别多事，放工转地铁嘅时候细师兄话想来我公司探我，可惜我已经落班..本来想今晚约吖po睇12点『蜘蛛侠 3』首映，点知D飞几日前就有人预定..佢听日又要去宝安..揾金毛仔又话听日佢哋村打比赛，揾起起又已经约咗人哋听日去睇了喔..不过仲系好好人咁嗌埋我去，哈哈～超感动啊～就喺小蚊变咗可怜的孩子嘅时候，炜打电话来话喺coco park，又话想去我公司揾我（今日咩日子？咁多人来探我..），随口问咗句听日得唔得闲，佢就问“系唔系想去睇戏啊？”哎～果然够F，讲到兴起突然谂到一个问题，唔知五一会唔会唔畀用学生证？之后决定睇10点10分嗰场，唔畀用学生证我哋就去饮早茶..

今晚同佢倾计嗰阵佢话我大个咗，唔好似以前咁细路女，我觉得真系要受D挫折人先会大，话晒都已经差唔多毕业了，以前幼稚嘅自己留喺学校就好，我唔奢求上位，只系希望可以独当一面。

pS：五月中converse会出一对好有punk味道嘅all star，哈哈～期待啊～～