2006/09/29 | 好攰吖～
类别(訫) | 评论(0) | 阅读(45) | 发表于 20:19
哎..辛辛苦苦复习咗成个星期，今日竟然考理论嗰阵因为老师摞错咗试题，要我哋国庆返去再揾时间考，真系有D忍唔住想闹佢哋，顶～考工试题都有得摞错噶咩？早上考实操嗰阵D老师又唔知系点做嘢嘅，错漏百出。噚日收到几个F嘅信息嗌我加油，感动死咗，应承咗佢哋一定会努力，点知..会畀哩D咁嘅事害到要考多次，哎..

之后就系要讲下我哋新区10栋嘅弱智仔，唔好怪我用哩个形容词来形容你哋，事关你哋根本都唔考虑人哋感受，所以都无乜必要畀面你哋，要饮酒要癫就唔该你喺学校出边或者11点熄灯之前癫，唔好三更半夜吵住本小姐瞓觉，仲要白痴到丢玻璃樽，本来日日都要去实验室复习实操，返到宿舍又要赶住时间来睇书真系好攰好辛苦，如果你哋系大一新生我忍，但系都大二啦，唔系哩D嘢都要师姐教你吖嘛？

衰嘢讲完最后都系讲返D开心嘅事，今个星期见个F上网揾彩铃，我咪又贪得意去load下啰，但系好意外畀我发现到有一首系以前初中同学个名，佢名又鬼咁特别，不过都唔确定，点知一听完首歌就超肯定啦！因为首歌系原创嘅，佢都系打band之人，而且把声听得出系佢。好开心啊，估唔到而家可以系移动彩铃到听到佢嘅歌，可惜得45秒，要继续努力哦，希望有更多机会听到你嘅歌啦～

pS：要特别鸣谢一下钳钳，因为而家平时都习惯唔带手表，考实操要计住时间，所以借咗手表畀我，谢了～
0

评论Comments

日志分类
首页[306]
訫[71]
大头虾事件簿[9]
魇[46]
晴[65]
乱[56]
音[26]
言[33]