噚晚啊，出去饮酒嗰阵好地地，返来之后因为嘉玲接咗个男仔电话吖钊就喺到发癫啦，嗌交嗌得超夸张，12点几两个好似斗大声咁，我谂3、4、10、11、12栋嘅人可能都听到啦，激到嘉玲喺到踢墙打柜，我叫嘉玲畀电话我同吖钊讲又唔肯，咪喺阳台嗌吖钊收线先啰，点知吖钊 N<SUP>2</SUP> 咁大声话“吖蚊你听电话！！”顶...本来已经好多人畀佢哋吵到企晒出来噶啦，佢仲嗌我个名..哎..样衰死啦..我谂住打电话畀佢帮嘉玲解释下，点知佢cut我电话，我咪飞信息讲佢知嘉玲只手打到肿咗，佢竟然跑咗上来我哋宿舍..12点几跑咗上女生宿舍..我仲以为楼下保安听到我哋吵敲门，问边个听到“吖钊啊..”个门畀嘉玲好大力打开嗰阵整到有小小问题，开咗超耐先开到，激死我，搞到我都差D要踢门，见吖钊跑到气都无啦，我咪拉住吖珍拿拿声出去走廊畀佢哋两个好好倾下啰，我同吖珍又著住件背心喔，冻到我哋抽筋！都唔知几耐之后楼下保安上咗来揾吖钊先走咗，今日小静话我知佢当时同吖dee倾紧电话，听到嘉玲同吖钊嗌交所以有留意，话吖钊跑到我哋楼下超激动同我哋保安讲话佢女朋友有事要上来，之后用咗唔够15秒由大院门口跑到我哋宿舍门口..老实嗰句，我好感动啰，吖钊为咗嘉玲真系癫噶了，听到嘉玲有事咩都唔理12点几冲过来。

小静话先头听到吖钊嗌我听电话又见到有人跑来我宿舍以为系你，我唔知要笑定要呆好，你会为我咁做么？我谂就算一齐嗰阵都唔会吧，而家慢慢清醒了，曾经以为你话确定咗系中意我系认真，见到你后来喺Q留言话唔识去中意人，我谂后面嗰句先系真呱，呵呵..其实我当时死蠢愿做水泡就应该要有心理准备预咗结局会系咁啦，不过都唔紧要噜～我会学识放低噶。