今晚同小雯、东少仲有吖鱼师兄出来饮嘢，等两位主角等咗个几钟..对上一次聚已经系暑假了，始终都系同佢哋一齐感觉最好，喺哩段期间我向小雯呻咗好耐，无论几时最真心嘅说话对住佢两个我先讲的出，因为好多嘢会心照，而且佢哋点都会明白我，有哩两个F我好心足。经过出来做嘢之后，我唔会再劝东少D乜嘢，唔系我放弃佢唔想理佢，而系发现有时候人哋讲你系无用噶，要到你真正经历过自然会明白，虽然有时见到佢咁我真系好心痛，我行过嘅弯路唔愿意见到佢哋重复，不过点都好，我会保护佢哋，至少要佢哋受嘅伤害最少，以前系，而家系，以后都系，trust me。

pS：前日东少喺广州返来就畀电话我话带咗手信，我仲以为佢讲下笑，点知真系有喔！！今晚喺休闲竟然见到一个高中同学喺里面做嘢，虽然唔熟，不过都几高兴～

同小雯一人一只，东少知我系猫所以专程买畀我嘅，系声控噶，一有声只猫嘅头就会跳，超得意～