本来已经唔想再讲哩D嘢，点知啱啱返到屋企上Q，见到有人留言畀我，问我“最近好吗”，突然间有D想喊，谂返起好多，好似每次最傻嘅都系我，放弃应该有嘅幸福去追求所谓嘅幸福。成日见到朋友伤心嗰阵觉得无能为力所以比佢哋更难过，但系从来无谂过原来我伤心，佢哋会为咗我心痛。我重视朋友，可惜拍拖嗰阵总会忽略佢哋，不过每次受伤返到佢哋身边嘅时候都无责怪过我一句，就算闹都只系因为我为咗其他人而无好好咁对自己，你哋为我做嘅每一件事我全部都记得，喺我最无助嘅时候喺我身边嘅唔系我嗰D“男朋友”而系你哋，所以我仲系好幸福的，关于佢嘅嘢我都无所谓了，唔值得，放心啦，以后我会好好对自己。