前两日Louise飞信息畀我问大家点样
好开心啊
因为仲记得我哋

觉得嗰时自己好搞笑
以为佢唔中意我
有咩好艰难嘅事都要我做
唔会忘记有日畀佢臭着脸训了一顿
之后喊住跑去红宝店嗌人哋教我做报表
超丢脸的..
直到嗰次话想辞职
佢好语重心长咁讲咗好多嘢
我都认为系佢唔想临走前搞多件事
而家谂返起好感动
亦好庆幸无听人哋讲再冲动多一次重演M记嗰幕
如果唔系佢当时咁严厉
我唔可能挨到今时今日Andy个个都闹过就未闹过我
佢培养咗我太多好嘅习惯
同令到我睇清楚自己
以前身边嘅朋友都话我好自立
到喺Louise底下做嘢先知
点解同事话我仲系娇生惯养嘅大小姐

无论哩个部门第日会点
我都只系希望好好努力埋剩低嘅时间
人哋嘅说话我唔会再尽信
参考一下就好
毕竟要对得住嘅人系我自己
而唔系其他人
trust me！我不会让你失望的

pS:今日经过餐厅
      背后突然传来一阵好熟悉嘅香水味
      正喺到谂有唔妥嗰阵
      有只手搭咗落我膊头到  -_-|||
      拧转头..见到店长好“慈祥”嘅笑容
      原来只系同我打声招呼
      但系唔知点解..
      佢笑得咁善良反而令我觉得背脊好凉...